نرگس محمدی حبسخانادان طبی مرخصییه گؤندریلدی
نرگس محمدی ۲۵ آبان ۱۴۰۰-جو ایلده آبان اعتراضلاری قوربانلاریندان اولان ابراهیم کتابدارین ایلدؤنومونده ایشتیراک ائدرکن حبس ائدیلیب و اوین حبسخاناسینداکی اطلاعاتین بندی اولان ۲۰۹-جو بنده کؤچورولوب. بوندان اؤنجه خانیم محمدینین حیات یولداشی تقی رحمانی اونون اوین حبسخاناسینین ۲۰۹-جو بندینده تجریدخانادا ساخلاندیغینی بیلدیرمیشدی.
نرگس محمدی سککیز ایل ایکی آی حبس، ۷۴ شاللاق ضربهسی، ایکی ایل تهراندان سورگون (تهراندا یاشاماق قاداغاسی) و ایکی ایل قوروملاردا و پارتییالاردا سیاسی و اجتماعی فعالیته قاداغا قویولاراق ایکی ایل مدتینه آزادلیقدان، سوسیال شبکهلرده اولما و فعالیت و موصاحیبهدن محروم ائدیلیب و موبیل تلفونونون موصادیرهسینه قرار وئریلیب.
آرتیق ۵ ایلینی ایسلام جمهورییتی حبسخانالاریندا کئچیرمیش خانیم محمدی بو یاخینلاردا قرچک حبسخاناسینداکی آجیناجاقلی دورومو تصویر ائدن مکتوب درج ائدهرک یازمیشدی: قرچک حبسخاناسی محبوسلارین تدریجاً اؤلومو اوچون بیر سورگون یئریدیر.