رحمان آذرمی راد تبریز اطلاعات ایداره‌سینه چاغیریلاراق دیندیریلیب
تبریزده یاشایان تورک مدنی فعال رحمان آذرمی راد تلفون زنگی ایله تبریز شهری‌نین اطلاعات ایداره‌سینه چاغیریلیب و بیر نئچه ساعت دیندیریلیب.
رحمان آذرمی راد بیر نئچه ساعتلیق سورغو-سؤالدان و کیملیگی موصادیره اولوندوقدان سونرا سربست بوراخیلیب.
بو مدنی فعال باشقا فعاللارلا بیرلیکده ۸ مرداد ۱۴۰۲-ده تبریزین شاعرلر توربه‌سینده دستک بایراغینی نومایش ائتدیره‌رک توپلومون دقتینی اورمیه گؤلونون سون نفسلرینه یؤنلتمه‌یه چالیشدیلار.
سون گونلر مدنی فعاللار اورمیه گؤلونون قوروماسینی اؤنلمه‌ک اوچون حاکیميتدن و حؤکومتدن عملی تدبیرلرین گؤرولمه‌سینی طلب ائدیبلر.
سانال اورتامدا بیر چوخ قوللانیجی اورمیه گؤلونون دیرچلدیلمه‌سی مسئله‌‌سینی تکجه چئوره‌نی قورتارماق اوچون دئییل، هم ده آذربایجان ملتی‌نین اؤلوم-دیریم مسئله‌‌سینی نظردن کئچیریب.
چئوره ساحه‌‌‌سینده اوزمانلارین فیکرینجه، اورمیه گؤلونون قوروماسی بو اراضی‌نین ۱۴ میلیوندان چوخ ساکینی‌نین حیاتینی تهلوکه آلتینا قویوب و بو اراضی ساکینلری‌نین مجبوری کؤچونه سبب اولاجاق.
اکولوژی اوزمانلارین فیکرینجه، اورمیه گؤلو اطرافیندا توز و آکتیو دوز فیرتینالاری ۵۰۰ کیلومتره قدر مسافه‌‌نی قت ائده بیلر.
