مدنی فعال پیمان ابراهیمی ۲ ایله یاخین حبس جزاسینا محکوم ائدیلیب
تبریز اینقیلاب محکمهسینین بیرینجی شؤبهسی مدنی فعال و آذربایجان رقصی اؤیرتمنی پیمان ابراهیمینی رهبری تحقیر ائتمک و رژیمه قارشی تبلیغات اتهامی ایله ۲۲ آی ۱۷ گون حبس جزاسینا محکوم ائدیب.
جناب ابراهیمییه قارشی چیخاریلان حؤکمه اساساً، بو آذربایجانلی فعال “رهبری تحقیر ائتمک” اتهامی ایله ۱۵ آی ۱ گون، “رژیمه قارشی تبلیغات” اتهامی ایله ایسه ۷ آی ۱۶ گون مدتینه آزادلیقدان محروم ائدیلیب.
آیریجا، تبریزین شهرینین ایکینجی جینایت محکمهسینین ۱۱۸-جی شؤبهسی “ایران ایسلام جمهورییتینه قارشی تبلیغات و سانال اورتام واسطهسیله قارقاشایا تحریک” اتهامیندان اونا براعت حؤکمو چیخاریب.
پیمان ابراهیمی ۴ شهریور ۱۴۰۲-ده گوونلیک گوجلری طرفیندن حبس ائدیلمیش و ۳ آبان گونو محکمهیه قدر ۳۰۰ میلیون تومنلیک گیروو قویولاراق تبریز مرکزی حبسخاناسیندان مووقتی اولاراق آزاد ائدیلمیشدیر.
ساخلانیلان زامان اونون آغیر شکیلده دؤیولدویو و یارالاندیغی بیلدیریلمیشدیر.
پیمان ابراهیمی آذربایجانلی تانینمیش ایفاچی آشیق قافارین اوغلودور و آذربایجان رقصی اؤیرتمنیدیر.
