سايير حركتلر

نوآم چامسکی‌دن قیامت تخمین‌لری/ حاضیرلایان: سوسن نواده رضی

 21-جی یوزایلین ان اؤنملی فیلسوفلاریندان، نوام چامسکی، سون کتابی “نوکلئر ساواش و چئوره فلاکتی”-نده قیامت سناریولارینی بیر به بیر سیرالاییر. سوروملولوقلارینی تک تک اشاره ائدیر، انسانلیق سوچو ایشله‌ین لیدرلرین نازی‌لر کیمی جزالاندیریلماسی گرکدیگینی وورغولایاراق نورنبرگ محکمه‌لرینی گؤرئوه چاغیریر.

یاشایان ان اؤنملی فیلسوفلاردان نوام چامسکی، سون کتابیندا انسان نوعونون سونونو حاضیرلایاجاغینی ایره‌لی سوردویو نوکلئر ساواش و چئوره فلاکتینه دقت چکیر.

     ائروزیون(فرسایش)، سدلر انشا ائتمک، آمازون اورمانلاری‌نین قتلی کیمی ائکولوژیک مسئله‌لره بارماق باسان چامسکی، بو فلاکت سناریولارینین اولوشماسیندا باش سوروملونون ایالات متحده آمریکا اولدوغونو دیله گتیررک، “دنیا دفعه‌لرجه چئوره فلاکتی‌نین و نوکلئر ساواشین ساحیلیندن دؤندو. بونا رغمن بو سناریولارین یارانماسی‌نین باش‌ رول اویونجوسو اولان آمریکا، اوزه‌رینه دوشن سوروملولوغو یئرینه گتیرمه‌دی”، دئییر.

بؤیوک شرکت‌لر بیلیمی یؤنلندیریر

     دئو شرکتلرین اونیوئرسیته‌لر و آراشدیرماجی تشکیلاتلارا بیلیمسل آراشدیرمالارا دستک وئرمک گؤرونتوسو آلتیندا مادی دستک وئردیگینی دیله گتیرن چامسکی، “بونون قارشیلیغیندا اؤیره‌دیم اویه‌سی سئچیم‌لرینده موثر رول اویناما شانسینا قاووشان شرکت‌لر، آراشدیرمالاری اؤز منفعتلرینه یؤنلندیریرلر”، دئیه وورغولاییر و آدلاری جدی بیچیمده سیاسی اعمال نفوذ ادعالاری ایله آنیلان کوخ قارداشلارا اشاره ائدیر.

     آمریکا باشقانی اوبامایا ساواش آچدیغی ادعا ائدیلن و 80.000 دن چوخ چالیشانی اولان کوخ قارداشلارین، شرکت‌لرینین بنزن (ان تهلکه‌لی کانسئروژن ماده‌لردن-مواد سرطانزا-) انتشاری قونوسوندا اونیوئرسیته‌لری و آراشدیرما تشکیلاتلارینی یؤنلندیردیگینی دیله گتیریر.

عراق-ین نوکلئر گوجونو آمریکا ساغلادی

آمریکانین انرژی سیاستلری‌نین اؤزللیکله گله‌جک نسیللر اوزه‌رینده سون درجه اهمیتلی ائتکیلری اولدوغونو دیله گتیرن چامسکی، “شاه دؤنمینده ایرانلی اؤیرنجیلر آچیق بیر بیچیمده آمریکایا گتیریلدی و MIT-ده نوکلئر مهندس‌لیک بؤلومونده ائییتیم آلمالاری ساغلاندی. بو اؤیرنجی‌لر ایره‌لیله‌ین ایللرده ایرانین نوکلئر سیلاح اورتمه‌سینده‌کی بیلیمسل گوجو یاراتدی. ریگان و بوش، صدام حسین ایله یاخین ایلیشکیده‌یدی. ایران- عراق ساواشی‌نی آمریکانین یاردیمی ایله عراقین قازانماسی ساغلاندی.بوش 89-دا عراقلی نوکلئر مهندس‌لری گلیشمیش دوزئیده ائییتیم گؤرمه‌لری اوچون آمریکایا دعوت ائتدی و پروسه‌نین آردیندا  آمریکا، عراقی نوکلئر سیلاح بولوندوغو گرکجه‌سی ایله دنیا افکار عمومی‌سینین دسته‌گینی ده آرخاسینا آلاراق اشغال ائتدی”، تثبیتینده دیر.

    فلوجه، هیروشیما-دان آغیر سونوجلار یاراتدی…

     فلوجه قتل عامینا دایر ده چارپیجی تثبیتلرده بولونان نوام چامسکی،  بین‌المللی چئوره آراشدیرمالاری و خالق ساغلیغی درگیسینین(International Journal of Environmental Research And Public Health) اینجلمه‌لرینی ده اوخوجولاری ایله پایلاشیر. عراقین 2004-ده آمریکا طرفیندن بومبالانان فلوجه شهرینده‌کی اوشاق اؤلومو، کانسئر و لوسئمی اولایلارینداکی چارپیجی آرتیشا دقت چکن چامسکی، “فلوجه سالدیری‌سینین آردیندان بو اؤلوم و کانسئر واقعه‌لری، 1945-ده هروشیما و ناکازاکی- یه آتیلان آتم بومبالاریندان ساغ قورتولانلاردا گؤرولن بنزر واقعه‌لرین ساییسینی آشیر” دئییر.

 

نازی‌لره اویقولانان جزا، بوش و بلئر-ه ده اویقولانمالی

     عراقلی و انگلیز دوکتورلار طرفیندن آپاریلان اینجلمه‌لرده ایسه بوتون کانسئر موردلرینده 4 قات، 14 یاش آلتی اوشاقلارداکی کانسئر موردلرینده 12 قات آرتیش گؤرولدویونو دیله گتیرن چامسکی، آمریکا و انگلیسین عراق استیلاسی، بوتون ساواش سوچلارینین پیسلیگینی ایچه‌ریر. بو سؤیلم نازی ساواش سوچلولارینی بو سوچو ایشلمکدن اؤلومه محکوم ائدن  نورنبئرگ محکمه‌لرینین ایفاده‌سی،” دئییر و آرتیریر: “بوش، تونی بلئر و سوچ اورتاقلارینین نورنبئرگ-ده اولوشدورولموش قانونی اصل‌لره تابع اولماسی گرکیر. ان آزیندان آمریکا و انگلیس عراقا قارشی ایشله‌دیکلری سوچلار اوون آغیر ساواش غرامت‌لری اؤده‌مه‌لی‌دیرلر.”

ایش دونیاسی، دیندارلاری مانیپوله ائدیر!

     ایش دونیاسی‌نین لیدئرلری‌نین لائیک و لیبئرال اولمالارینا باخمایاراق، دینی مبحثلری قوللاناراق دیندارلاری بیلیمسل اثباتی اولان موضوعلاردا بیله اؤز چیخارلارینا یؤنه‌لیک مانیپوله ائتدیگینی دیله گتیرن چامسکی، سازمان ملل-ین اقلیم ده‌ییشیکلیگی کنفرانسیندا Occupy Wall Street حادثه‌لرینه استناد ائدن بیر اؤیرنجینی ده دویمازلیقدان گلمیر: اوزون مدتلی دوشونمک حاشیه دئییلدیر. حاشیه اولان سیاره‌نین اقلیمینی تمامن ده‌ییشدیرمک و میلیونلاری اقلیم ده‌ییشیکلیگی ایله اؤلومه محکوم ائتمکدیر. حاشیه اولان ده‌ییشیمین الیمیزین آلتیندا اولدوغونو انکار ائتمکدیر. 2011 سس‌سیز چوخونلوغون سسینی بولدوغو ایل دیر. دیبده‌کیلر تپه‌ده‌کیلری ساللادیغی ایلدیر. 2011 حاشیه اولانین گئرچه‌یه دؤنوشدویو ایل دیر.

Anlam.Biz