سايير حركتلر

پست‌مدرنيزم/ چئویرن: ارسطو مجرد

 
 
 
1
 
 
سؤزجوك آچي سيندان post چوخلو بير آخيمين داواميني ثوبوت ائله يير ، و پست مدرنيسم  مدرنيسمين سونو دئييل بلكه مدرنيسمين تنقيدي و مدرنيسم آخيمينين داوامي دير . پست مدرنيزم تئرمينيندن بيرينجي دونيا موحاريبه سيندن اول ايسپانيا ادبيات تاريخي و ايكي دونيا موحاريبه سينين آراسينداكي ايللرده  لاتين آمئريكاسي ادبي تاريخينده ايشله ديلميش دير .

اصلينده پست مدرن ، مدرنيزمين دوغرو سورغولاريني اورتايا  قويور ، تكجه بو فرقي واردير كي بو دؤنه سورغولاري بيلرك دن آرايا قويور .

پست مدرنيسمين اؤزلليكلري و خوصوصييتلري

پست مدرنيزم هانسي خوصوصييت و اؤزلليكلري داشييماغيلا باغلي هئچ بير مووافيق گؤروش يوخدور . اؤرنك اوچون « ليوتار »  دئيير  پست مدرن ، شوبهه دؤورو  و منطيق آچيقلامالارينين اؤلوم چاغي دير  و بو  شوبهه  كسينليكله علم لرين ايره لي له ييشيندن دوغولموشدور . اؤرنك اوچون «ليوتار» راك ماهني سينا هوس ، باتي پروگراملارينين تاماشاسي ، مك دونالد يئمه ييني يئمك ، ژاپون جورابلاري ، هنگ كنگ پالتارلاري و تلويزيون اويونلاريني چاغداش كولتورده بيان ائتمك اولار . ليوتارين سياسي دوشونجه و باخيشلاريني بئله ييغجاملاشديرماق اولار .

1– سياست و توپلوم باره ده  تئوري و ايري تئوري دوزلتمك چاغينين سونا چاتماسي .

2- اخلاق و  ديه ر  اوزره  موطلق دوشونن بير تئوري يه  ال چاتمامازليق .

3- اخلاقجا شوبهه ائتمك (miral skepticism ) سونوندا اعتبارلي بير دونيايا و اعتبارچيليغا يؤنه له جكدير ؛

4- معنايا اوستون اؤنم وئرمك ، معناني اؤزللشديرمك و كيشي سل ائله مك ؛

 « جمسون » ايسه دئيير  پست مدرنين تاپيلماسينين عاميل لري بونلاردير :

 1 – تاريخه درين و جيليز باخمالارين آرادان گئتمه سي

2- سئوگي نين سوسماسي (پست مدرن ده اوز وئردي )

 « تري ايگلتون » دا پست مدرن دؤورون  اينجه صنعت لرده و اصلي تئكنيك لرده  كؤكلو اؤزگورلويون چؤكدويو چاغ  و هم ده  كولتور و سياسال توپلومون آراسيندا سينيرلارين آرادان گئتمه چاغي بيلير  .

 دوشونمك گره ك دير  او تئم لرده كي پست مدرنيزم سؤزجوك لري ايشله ديليب چوخ گؤزه چارپان و نظره آلمالي دير . بو باره ده بونلاري آد آپارماق اولار :

 1-     موزيك (استاك هازن، هالى وى، لورى آندرسن و ترديسى)

2-     اينجه صنعت (ماخ، راوشن برگ و باسيلنز)

3-     رومان (بارث، بالارد و داكترو)

4-     فيلم [(The wdding) ,(wenther by) و [(Body Heat)

5-     فوتوگراف(شرمان، لوين، پرنيس)

6-     معمارليق (خبگز، بولين)

7-     ادبيات (اسپانوس، فيلور)

8-     فلسفه (ليوتار، دريدا، بادريلارد و ريچارد رورتى)

9-     سوسيولو‍‍ژي(دنزين)

10- جغرافييا (soja)

بلكه پست مدرنيزمه سياهي شكيلده  آلتداكي خوصوصييت لري و اؤزلليكلري بيان ائتمك اولار :

1-     پيسيكولوژييا دا عاغيللي و منطيقسل فاعيلي دانير ؛

2-     ميللي هوويت اوزره دؤولتي سمبول اولاراق ردّ ائدير

3-     بيرليك  كاناللاري عونواني ايله تانينان پارتييا قورولوشون و اونلارين سياسال  عمل لريني نفي ائدير

4-     اخلاقياتين نيسبي اولماغينين يوكسلتمه سي و يايماسي

5-     ايقتصادي آرتيمين بهانه سيله طبيعتي داغيتماقلا موخاليفت

6-     خيردا كولتورلرين حاكيم اولموش كولتوره قاريشماغي ايله موخاليفت

7-     سوي سئون ليك له موخاليفت

8-     آرتيما بوروكراتيك باخيشلا موخاليفت

9-     توپلومون قبول ائتديي بوتون اساسي قالديريملارين ( برداشت لار ) سورغويا چكيلمه سي؛

10 – اينسانين عاغلينا شوبهه ائتمك و راسيوناليزمي ردّ ائتمك و آيدينلاشديرماق عليهينه هر طرفلي قالخماق

11 – نيسبييته مئيلليگين (relativism) رسمييتله تانينماسي

12-  فلهه قاتي نين موباريزه سينين سونا چاتماسينا و اونون كاپيتاليزم قورولوشونا قاريشماسينا اينانماق

13- تاريخدن اوسته يئني بير دؤوره وارماغي اعلان ائتمك .

مدرنيته تئرمين لري (modernity) و پست مدرنيزم 1980- جي اون ايلليك ده  «هابرماس» و « فوكو» ون  ديالوگوايله سوسيولوژي يه واردي .

بورايا كيمي پست مدرنيزمه  چوخلو تنقيد لر ايره لي سورولموشدور . اونلارين ان اؤنملي سي اولان « يورگئن هابرماس » – ين تنقيدلريني وورغولاماق اولار.

2

پست مدرنيزم تكجه گون شوعاري دئييل ، بلكه بيزيم چاغ دا آچار بير سؤزجوك دور . او بيزيم دوشونجه و يول جيزگيميزي آيدين لاشديرير ، اينجه صنعت و معمارليغيميزي فورمالاشديرير ،ايلنجه لي و باش قاتما ايش لريميز صنايع سي نين  بؤيوك بير بؤلومونو  اؤز چرچيوه سينده يئرلشديرير و جيددي شكيلده گله جه ييميزي قوراشديرير . اونو بيز گؤرور ، ائشيدير و اوخويا بيليريك . اوندا بازارليق ائديريك ، اونا داليريق و اؤتري دئسك بيز اونونلا دوغولوروق و نفس چكيريك . پست مدرنيزم بير يئني باخيش ، يئني  عادت ، عنعنه و چاغداش دؤورون بير دورومودور . پست مدرنيزم آستا – آستا آنجاق اينانجلا  ساكيني اولدوغوموز دونياني ، دوشوندويوموز فيكيرلري ، ائله ديك لريميزي ، تانيديقلاريميزي ، تانيماديقلاريميز ي و تانييا بيلمه ديكلريميزي اؤزونده يئرلشديرير و بوتون وارليغيميزي سارير . پست مدرنيزم قورتولوش باغيشلايان يئني باخيش  و بلكه بير او قه در ده يئني اولمايان آنجاق هر نه يي ايحاطه ائدن دير .

پست مدرنيزم نئچه باشلي خويونا گؤره اونجا وحشي دير كي اونو توزاغا سالماق چوخ چتين دير . پست مدرنيزمين طبيعتي هر شئي ين نفعينه اولان اوزو ايله اؤلچوده و ( اوزده ) هئچ نه ايله ضيدديتي اولماغينا باخميياراق چوخ دولاشيق دير . اگر پست مدرنيزمين بير شوعاري اولسايدي شوبهه سيزكي بو اولاجاقدي : « هر شئي اولا بيلر » . بو باخيشين مودافيعه چي لري ، اونون سئچيلميش گؤيچكلييي و قاريشيق طبيعتيندن يارارلاناراق اونو باش چيخاريلمايان و گيز له دولو بير ديالوگا دؤندرمه يه چاليشميشلار  تا بلكه اونو فانتاستيك ، آيدين دوشونن بير گوج ،و رئال باخان بير شئي كيمي تقديم ائله سينلر ، بير ته هر كي آنلاشيلماسين و قارشي سيندا كيمسه دايانا بيلمه سين . حال بو كي پست مدرنيزم باره ده هئچ بير گيزلي شئي يوخدور ، اونو آچيقلايا بيلمه سن ده  بئله ، اونو ، كؤكونو آچيقلايان سؤزجوكلرله قاورايا بيلرسن . اوندا پست مدرنيزمين معناسي ندير ؟او ياسا لار كي پست مدرنيزمي تعريف ائديرلر ، اونو گله نك و مدرنيته ايله قارشيلاشماغا چكميشلر .« پست مدرنيزم»  سؤزجويو اوزوندن آيدين اولدوغو كيمي  ذئهنيميزده  « يئني چيليك دن سونرا »ني (پسانوگرايي) جانلانديرير . پست مدرنيزم مدرنيته دن اوسته گئدير ، هامان مدرنيته كي گله نه يي (سنتي) آرخادا قويموشدور . بئله ليكله پست مدرنيزمين بيرينجي اصلي بودور مدرنيته ده هر نه كي اعتيبارلي دير ، پست مدرنيزم دؤورونده بوتونلوكله اعتيبارسيز دير و اسكي قلمه وئريلير . پست مدرنيست لر  حقيقت ، عقل ، اخلاق ، سنت و تاريخ كيمي اينانج لارين ضيددينه چيخميشلار و اونلاري تحليلي ديققت لر ياخچي ليغي و ديه ري سوييه ده بيلميرلر و اينانيرلار كي بو اينانج لار بوتونلوكله معناسيزديرلار . و محض «حقيقت» اينام لارينا ادعالي اولان بوتون مكتب لر، اؤرنكچون : علم ، مذهب ، ماركسيسم ، هاميسي ساختا قورولوشلاردير و اؤز طبيعت لرينه اساسن اؤز باشينا و  استبداد يؤنلودورلر . «حقيقت» نيسبي دير . « تصادوف» هر شئي دير و يا پست مدرنيزمين آمئريكالي اؤندري ريچارد روتي نين بير جور اينامينا گؤره : « هئچ نه طبيعي ذاتا ماليك دئييل بلكه زامانين و تصادوفون دوغولموشودور .» بونونلادا پست مدرنيزم حقيقت ادعالارينين بوتون شَـــكليني دانير ، هئچ نه يي موطلق اولاراق تانيمير و بوتؤو نيسبييته اينانير.

____________________________

 بعضي قايناق لار  :

 1 – احمدى، بابك، مدرنيته و انديشه انتقادى، تهران؛ نشر مركز،1373

2 – احمدى، بابك، ساختر و تاويل متن، 2 جلد، تهران: نشر مركز، چاپ دوم اسفند 1372

3 – ريترز، جورج، نظريه هاى جامعه شناسى، ترجمه احمد رضا غروى راد، تهران: انتشارات ماجد،1373

4 – كورنز هوى، ديويد، حلقه انتقادى، ترجمه مراد فرهاد پور، تهران: انتشارات گيل و با همكارى انتشارات روشنگران، 1371

5 – جنگز، چارلز، پست مدرنيسم چيست؟ ترجمه فرهاد مرتضايى، تهران: نشر مرنديز

6 – رورتى، ريچارد، اختلاف هابرماس و ليوتار در باب وضع پست مدرن، ترجمه مهدى قوام صفرى، نامه فرهنگ، سال پنجم، شماره 18، تابستان 1374، ص 62.

7 – داورى، رضا، پست مدرن، دوران فترت، مشرق، دوره اول، شماره اول، دى 1373، ص 11. 8

8 – دريابندرى، نجف، پست مدرنيزم در يك زمان، دنياى سخن، خرداد و تير 1374، شماره 64، ص 20.

9 – اينترنت (ايختيصارلا شديريلميش بو يازيلار  اصلينده  www.bashgah.net  سايتيندان قايناقلاشميش دير )

10 –  زين الدين سردار  .  مترجم  : رضا جمشيدي

________________________

* ايكي يازي‌نين بيرلشديريلميشي  Ə.M

 

قایناق: یئنیلیک بلوقو