خانه/ ائو

يونس شاملي: ايران- غرب ياخينلاشماسي اؤلکه‌ده اينسان حاقلاري دورومونو ياخشيلاشديرماياجاق

 

يونس شاملي حساب ائدير کي، ايران- غرب موناسيبتلرينده ايستي‌لشمه ايسلام رئسپوبليکاسيندا اينسان حاقلاري دورومونون ياخشيلاشاجاغينا تامينات وئرمير. گونئيلي ژورناليست آمئريکانين سسينه موصاحيبه‌ده ژنوده ايران و "آلتي‌ليق" اؤلکه‌لري آراسيندا تئهرانين نووه پروقرامي ايله باغلي الده ائديلميش راضيلاشمادان سونرا موختليف سياسي و اينسان حاقلاري قروپلاري آراسيندا اورتايا چيخميش فيکير آيريليقلاريني دَيرلنديريب.

ايرانين بير چوخ سياسي جريانلاري، خوصوصيله مؤعتديل سياستچي کيمي تانينان حسن روحاني‌ني دستکله‌ين ايصلاحاتچيلار ايديعا ائديرلر کي، ايرانلا غرب آراسيندا سياسي موناسيبتلرين ياخشيلاشماسي اؤلکه‌ده اينسان حاقلاري دورومونا دا موثبت تاثير گؤستره‌جک. آنجاق بير چوخ حوقوق مودافيعه‌چيلري بونون عکسي‌نين باش وئره‌جه‌یيندن قورخورلار.

يونس شاملي ايسه بو خوصوصدا ايصلاحاتچي قروپلار طرفيندن ايره‌لي سورولن آرقومئنتين دوزگون اولماديغيني سؤيله‌يير.

"بو قروپلارا گؤره، ايران- غرب علاقه‌لري دوزلسه اينسان حاقلاري وضعيتي ده اونونلا بيرليکده دوزه‌لر. بونا گؤره ده، اينسان حاقلاري پوزونتولاري ايله باغلي ايران ايسلام رئسپوبليکاسينا تضييق تطبيق ائديلمه‌سينه قارشي چيخيرلار. بو دوغرو آرقومئنت دئييل. ميثال اوچون، سعوديه عربيستاني و آمئريکا آراسينداکي موناسيبتلر چوخ ياخشيدير، آنجاق بو، عربيستاندا اينسان حاقلاري دورومونون ياخشيلاشماسينا سبب اولمور،" دئيه او، قئيد ائدير.

ژورناليستين سؤزلرينه گؤره، گونئيلي فعاللار اينديکي دورومدا داها آرتيق اينسان حاقلاري سؤيلمي اوزرينده چاليشماليديرلار. لاکين، اونون فيکرينجه، گونئي آذربايجان ميللي حرکتي و تورک فعاللاري اينسان حاقلاري ساحه‌سينده لازيمي قدر فعال دئييل.

"بو گون ايران ايچينده ايکي اؤنملي سياسي حرکت واردير. بيري مرکزده‌کي موخاليف جريانلار، او جومله‌دن ياشيل حرکاتي، ديگري ايسه بيرينجيدن ده داها اؤنملي اولان غئيري-فارس خالقلارين سياسي حرکتلريدير. اينسان حاقلاري سؤيلميندن اَن چوخ غئيري-فارس خالقلار يارارلانيرلار،" دئيه جناب شاملي علاوه ائديب.

يونس شاملي همچنين ژنو‌ده ايران و "آلتي‌ليق" اؤلکه‌لري آراسيندا آپاريلميش تئهرانين نووه پروقرامي ايله باغلي دانيشيقلار نتيجه‌سينده الده ائديلميش راضيلاشمانين اساسلي دَييشيکلييه دلالت ائتمه‌ديیيني ايره‌لي سورور. اونون سؤزلرينه گؤره، ايران يالنيز معروض قالديغي بين‌الخالق تضييقلر اوزوندن بو آنلاشماني قبول ائديب.

بو سؤیله‌شی‌نین سسی‌نی بو لینکدن دینله‌یه بیلرسینیز:   http://www.amerikaninsesi.org/content/article/1815842.html

دوشونجه - اندیشه

ساخت و پرداخت هویتی در ایران/ سعید پیوندی

ساخت و پرداخت هویتی در ایران/ سعید پیوندی
ایرانی بودن به چه معناست و این حس هویتی مشترک میان مردمان سرزمینی که در داخل مرزهای امروزی کشور زندگی می‌کنند از ادامه...

ستارخان دوشونجه لرینی ، هله ده دوشونمه ین لر وار/ ابراهیم...

ستارخان دوشونجه لرینی ، هله ده دوشونمه ین لر وار/ ابراهیم...
چاغداش تاریخیمیزده اؤز دؤوروندن ایرلی گئدن اینسانلاریمیز آز اولماسا دا آراسیرا اؤزگه اولوسلارین بویوندوروغو ادامه...

ژان پول سارتر نه دئییردی؟

ژان پول سارتر نه دئییردی؟
ژان-پول سارتر (Jean-Paul Sartre) 1905-جي ايلده آنادان اولوب. گمي کاپيتاني اولان آتاسي او کؤرپه اولارکن دونياسيني ادامه...

شاید مسأله حق تحصیل به زبان مادری باشد!/ سعید متین پور

شاید مسأله حق تحصیل به زبان مادری باشد!/ سعید متین پور
در نخستین سال‌های دهه‌ی ۶۰ خورشیدی «حبیب ساهر» مدرس و مؤلف علم جغرافیا و شاعر نوپرداز با پرتاب خود از بالکن ادامه...

طبقه کارگر و مسأله ملی/ و. ای. لنین

طبقه کارگر و مسأله ملی/ و. ای. لنین
روسیه، تا آنجایی که به مسأله ملیتهای او مربوط می‌باشد، کشوری است مختلط. سیاست حکومت که همانا سیاست ملاکین ادامه...

سون ماتريال