سايير حركتلر

پست فئمینیزم

پست فئمینیزم

(گئنل بیلگی)

پست مدرن فئمینیزم، فئمینیزمین 20-جی یوزایل فلسفه‌سینده و پست مدرن دوروم ایچینده گؤتوردوگو تئوریک و پراکتیک مؤوقع (قونوم) ایله شکیللنمه‌سینی ایفاده ائدر. فئمینیست تئوریسی ایله پست قورولوشچولوق (post structuralism)آراسیندا قورولان یاخینلاشمانین اورونو (محصولو) اولا‌راق گئرچکلشیر.بو مؤوقع قارماشیق و دارتیشما‌لی‌دیر؛ چونکی بیر طرفدن فئمینیزمین مدرنیزم-پست مدرنیزم دارتیشماسینا دایر سؤیله‌یه‌جک چوخ بیر شئیلری اولمادیغی دوشونجه‌سی واردیر،

باشقا یاندان پست مدرن دوشونجه‌نین اولوشوموندا و پست مدرنیزمه دایر ایفاده‌نین قورولوشوندا فئمینیزمین ایشتیراک ائتدیگی ادعاسی سؤزقونوسودور. یاخیندان باخیلدیغیندا اولدوقجا چوخ سایلی قادین یازار و تئوریسینین هم فئمینیست هم ده پست مدرنیست بیر مؤوقعدن دانیشدیقلارینی گؤرمک مومکوندور. بو مؤوقع ایچیندن چیخاریلان فئمینیزم عمومیتله پست مدرن فئمینیزم آدلاندیریلماقدا‌دیر.

تاریخچه و قونوم(مؤوقع) 

پست قورولوشچو فئمینیزمین خصوصی تمثیلچیلریندن Judith Butler -ین بیر کیتابی 70-جی ایللردن اعتباراً ایستر فئمینیزم ایسترسه پست مدرنیزم تئوریک /فلسفی ساحه‌ده اولدوغو قدر، مدنی و سیاسی ساحه‌ده ده ائتکیلی آخینلار و یؤنه لیشلر اورتایا قویموشدور. Mary Joe Frug - ون پست مدرنیزمی و فئمینیست تئورینین بیرلشمه‌سینی دیله گتیرن مانیفئستی ("A Postmodern Feminist Legal Manifesto") بیر آنلامدا پست مدرن فئمینیزمین یاسال (رسمی، قانونی) اعلانی اولا‌راق قبول ائدیلمکده‌دیر.بو آدلارین چالیشما‌لارینا باخیلسا، هم فئمینیزمین هم ده پست مدرنیزمین ان اؤنملی قایناقلاریندا یئر آلمیشلار. هر ایکی یؤنومونده اورتاق مخرجلری اولدوغو ایفاده اولونا بیلر؛ بونلار یئنی بیر توپلومسال ائلئشتیری (تنقید) ساحه نی آچماق و گله نکسل (سنتی) فلسفه ایله تنقیدی بیر علاقه یاراتما‌لاری شکلینده تاماملانا بیلر. آنجاق آرا‌لاریندا تمل فرقلر ده سؤزقونوسودور.فئمینیزم و پست مدرنیزم آخین‌لاری آسانجا بیر آرایا گله بیلن خصوصیتده دئییللر. بو باخیمدان 70-جی ایللر سونراسی، پست قورولوشچو فلسفه و پسیکانالیز (روحسال چؤزومله مه) قولوندا گلیشمه گؤسترن فئمینیزملر، مدرنیته اساسلی فئمینیزملرین تنقیدینی ده گئرچکلشدیریرلر.اؤزللیکله توپلومسال تنقید قونوسوندا پست مدرنیزم اولدوقجا چوخ ایسپئکولاتیف (ایش آلانینا کئچمه‌ین تئوری ایله ایلگیلی اولانspeculative: ) بیر گؤرونوش تقدیم ائدرکن، فئمینیست لر اؤزللیکله توپلومسال تنقید قونوسوندا ایصرارچیدیلار. باشقا یاندان پست مدرنیست لر اؤزچولوک (ایصالت‌چیلیک) و تملچیلیک (fundamentalism) قونوسوندا حساس بیر دقته صاحب اولارکن، فئمینیست‌لر بونا دوشمه مئیلی‌ گؤستررلر. هر ایکی یؤنومون، فئمینیزم و پست مدرنیزمین بو جور فرقلرینی سیلمه‌یه یا دا اورتا‌دان قالدیرماغا ایستیقامتلی جهدلر ده سؤزقونوسودور کی، بونلاری پست مدرن فئمینیزم اولا‌راق گؤرمک اویغون گؤرونمکده‌دیر. پست مدرن فئمینیزملر اؤزچو و تملچی اولمایان بیر فئمینیزم یؤنونده مؤوقع لنمکده ایصرارچیدیرلار.


اؤنملی آدلار
مدرنیزم-پست مدرنیزم مضمون‌لاریندا فئمینیزم اوزرینه خصوصی بیر چالیشما یاپان پست مدرن فئمینیزم ده معین آدلاری بو شکیلده سیرالاماق مومکوندور:


Hélène Cixous 
Luce Irigaray 
Julia Kristeva 
Catherina Clèment 
Judith Butler 
Shosana Felman 
Jane Gallop 
Sarah Kofman 
Alice Jardine 
Michele Le Doueff 
Gayatri Chakravorty Spivak 
Meagan Morris 
Nancy Fraser 
Linda Nicholson 
Mary Joe Frug 

بو آدلار عمومی آنلامدا نه فئمینیزمله نه ده پست مدرن سؤیلمله {گفتمان} تامامیله اویغون گلمیرلر، آنجاق هر ایکی ساحه‌نین ائلئمئنت‌لرینی اوزرلرینده داشیدیقلاری و اؤز چالیشماریندا بو ساحه‌لرین هر ایکیسینی بیرگه گلیشدیردیک‌لری و گئنیشلتدیکلرینی سؤیلمک اولار. گله نکسل فلسفی و نظری اساسلارا سؤیکنمه‌ین یئنی بیر توپلومساللیق ائلئشتیریسی (تنقیدی)، هم فئمینیزمدن هم ده پست مدرنیزمدن گلن بیر یؤنوم اولا‌راق بورا‌داکی پست مدرن فئمینیست لر طرفیندن گلیشدیریلمه‌یه و بلیرلی (معین) شکیل‌لرده تمللندیریلمه‌یه چالیشیلار.بونونلا بیرلیکده عمومیتله اؤزچو و تملچی اولمایان بیر یؤنومله فئمینیست قایدانین تامامیله اویغونلاشماسی مومکون گؤرونمه مکده‌دیر. آنجاق پست مدرن فئمینیست لر بونو، فئمینیست فلسفه‌نین گئنل اؤزللیکلرینی ده ییشمه‌یه اوغرادا‌راق آشماغا یؤنلیرلر. بئله ائتدیک‌لری اوچون گله نکسل فئمینیست فلسفه‌لرین (رادیکال، مارکس‌چی، یا دا سوسیالیست و س.) اعتراضلاری ایله قارشیلانارلار. سؤمورگه (موستملکه) سونراسی فئمینیزم تئوریسی ایله (ان اؤنملی و اولدوقجا ائتکیلی بیر دوشونر اولان Spivak بو یؤنومون تمثیلچیسی ساییلماقدا‌دیر) پست مدرن فئمینیست تئوریسین لر آراسیندا پارالئللیک‌لر و خصوصی علاقه‌لر سؤزقونوسودور.مدرنیته اساسلی فئمینیزملر، پست مدرن فئمینیزم اوچون ایقتیدار، اؤزنه‌لیک (سوبیئکتلیک، ذهنی لیکsubjectiveness: )، جینسیت و س... قونولاردا سورونلودولار. بوندان باشقا مؤوجود گئرچکلیگی یئنیدن چیخارماقدان کنارا گئده بیلمه مکده‌دیرلر. اؤنملی یا دا تعیین ائدیجی اولان، قادین‌لار اوچون مؤوجود توپلومسال ساحه‌ده ائشیت (برابر) حاق‌لار الده ائتمک یا دا معین نؤقطه‌لره قادین‌لارین گتیریلمه‌سی تأمین ائتمک دئییل، بو آرادا ایستک قادین سؤیلمینی و مؤوجود هیرارشیک دوزنله مه‌لری، اقتدار قورولوشلارینی دؤنوشدوره بیلمک‌دیر.فرانسیز فئمینیزمینین خصوصی آدی Hélène Cixous پست مدرن فئمینیزم بو آنلامدا یئنی بیر سیاسال و توپلومسال تنقید گلیشدیرمه آختاریشییلا اورتایا چیخار. دیل، سؤیلم و کولتور ساحه‌سینده مؤوجود قورولوش‌لاری سورونساللاشدیرماغا(poroblematic: sorunsal) ، پوزماغا و یئریند‌ن ائتمه‌یه یؤنلمک، بونلارا قارشی یئنی بیر اؤزنه‌لیک، سؤیلمسللیک (سویلم: گفتمان) و کولتور دیرلری چیخارماق داها اؤنملیدیر. بو آنلامدا مدرن و پست مدرن فئمینیزملر آراسیندا، کسکین و کؤکلو آیریملار و تئوریک قارشیدورما‌لار سؤزقونوسودور. Nancy Fraser ایله Linda Nicholson ، فئمینیزم و پست مدرنیزم موقاییسه‌سینده ("فلسفه‌سیز توپلوم تنقیدی") بیر دیرلندیرمه وئرمه‌یه یؤنه لیب و بورادا فئمینیزمین اؤزچولویه و تملچی‌لییه دوشمه‌لرینی اؤرنک وئريرلر. اونلار بو دیرلندیرمه ایله، فئمینیست فلسفه‌نین اصل اولا‌راق پست مدرن اولما‌لاری لازیم اولدوغونو سؤیله يیرلر. پست مدرن فئمینیزم اونلارین دوشونجه‌سینه گؤره پراقماتیک تملده حاضیرلانما‌لیدیر، اؤزچولوگون و تملچیلیگین یئنیدن اورتمه (ایستئحصال، یاپیم) قونوسوندا دقتلی اولما‌لی‌دیر. ائورنسلچی (اونیوئرسالجی،جهانی) اولمایان بیر گیریشیم (جهد) اولما‌لی‌دیر. اونلارا گؤره، پسیکانالیز تمللی فرانسیز فئمینیزمی، یعنی Irigaray, Cixous و Kristeva ، رد ائده جک کیمی گؤرونتو سرگیله سه لرده، اؤزچولوک سهوینه دوشمکده‌دیرلر.