سايير حركتلر

ایندی ان چوخ سوال آلتیندا، ضربه آلتیندا اولان شئی تورکلویوموزدور

علیرضا بئی اردبیلی نین آمئريكا سسي ايله دانیشیغی

 

ديقت! بو یازی یوردنت طرفیندن عرب الیفباسینا کوچورولموشدور.

دینله مک اوچون بورایا تیخلایین

 

 علی رضا اردبیلی ایراندا پانتورکیزم دوشونجەسینی تمثیل ائدن قروپلاشما یا حرکاتین مؤوجودلوغونو رد ائدیر. آمئریکانین سسینه موصاحیبه وئرەن تانینمیش یازار، ژورنالیست و سیاسی فعال حئساب ائدیر کی، ایران اینقیلاب محکمەلرینین گونئیلی ملی فعاللارا قارشی چیخاریدیغی حؤکملرده تئز-تئز ایشلەدیلن بو تئرمین توران دؤولتی قورماق ایستیەنلره دئییل، ملی وارلیغینی قورویان آداملارا شامیل اولونور.

 

“پانتورکیزم ایکی شئیدن عیبارتدیر. بیرینجیسی اؤتن عصرین ایلک ایللرینده تورک دونیاسی و موختلیف تورک خالقلاری آراسیندا سیاسی یاخینلاشما سیموولو اولوب. ایکینجیسی ایسه، بو گون گونئی آذربایجان و ایراندا یاشایان تورکلرین ملی حاقلاری اوغروندا موباریزەسینی سوسدورماق اوچون بیر باسقی بایراغیدیر. بئله کی گونئی آذربایجاندا آنا دیلینده تحصیل حوقوقو کیمی اساس حاقلارینی طلب ائدن تورکلری پانتورکیست آدلاندیراراق اونلاری سوسدورماق ایستییرلر،” دئیه ژورنالیست سؤیلییر.

 

 گونئیلی یازار حاضیردا ملی فعاللارین هر زاماندان چوخ پانتورکیست ایتهامی ایله اوزلەشدیکلرینه توخوناراق بئله ایتیهاملارین زامان و دؤنەمین سیاسی شرطلرینه گؤره دییشدییینی وورغولاییر:

 

“بیر زامانلار آذربایجاندا ملی مساله ایله باغلی فعالییت ائدنلره کومونیست یا پیشە وریچی دئیردیلر. زامان و شرطلر دییشدیکجه، ایرانچی قروپلار ملی فعاللارا قارشی ایرەلی سوردوکلری ایتیهاملاری دا یئنیلییرلر.”

 

 علی رضا اردبیلینین فیکرینجه یازار و شاعیر، هابئله ملی-مدنی فعاللارین باشقا تورک خالقلاری ایله تماس و یاخینلاشما تشببوثلرینی پانتورکیزم آدلاندیرماق دوزگون دئییل: “ایندیکی دونیادا بو نورمالدیر، قلوباللاشما میللتلری یاخینلاشدیریر. سادەجه تورکلرده دئییل، فارسلاردا، کوردلرده ده بئلەدیر. موختلیف اؤلکەلرده یاشایان تورکلر بیربیریندن تاثیر آلیر، دیللرینه یئنی سؤزلر قازانیرلار. بونا پانتورکیزم دئمک دوغرو اولماز.”

 

“گونئی آذربایجان فعاللاری تورکلویه اؤنم وئریرلر، چونکی ایندی ان چوخ سوال آلتیندا، ضربه آلتیندا اولان شئی تورکلویوموزدور. بو منطیقی بیر رئاکسییادیر. عربیستاندا قادینلارین ماشین سورمەسی قاداغادیر، بونا گؤره ده اورانین قادینلاری ماشین سورمک حاقینا چوخ اؤنم وئریرلر.” دئیه او، علاوه ائدیر.

 

 گونئی آذربایجان فعاللاری تورکلویه اؤنم وئریرلر، چونکی ایندی ان چوخ سوال آلتیندا، ضربه آلتیندا اولان شئی تورکلویوموزدور. بو منطیقی بیر رئاکسییادیر.

 

 گونئی آذربایجان ملی دئموکراتیک بیرلییی تشکیلاتینین سؤزجوسو همچینین آوقوستون 24-ده عیراق، ایران، تورکیه و سورییالی کورد تشکیلاتلارینین ایشتیراکی ایله عیراقین اربیل شهرینده کئچیریلەجک ملی کورد قورولتایی، ائلەجه ده ایران، افقانیستان و تاجیکیستان فارسلاری داخیل اولماقلا بوتون فارس دیللی خالقلار اوچون پروقرام یایان بئین الخالق مئدیا ایله باغلی گؤروشلرینی آمئریکانین سسی ایله پایلاشیب.

 

 گونئیلی وکیللر ایران محکمەلرینین ملی فعاللارا قارشی ایرەلی سوردوکلری پانتورکیزم ایتیهامینین دؤولتین جزا قانونلاریندا عکس اولونمادیغینی دئییرلر.

 

 امنئستی اینتئرناسیونال ایران آذربایجانی ایله باغلی یایدیغی بیاناتلاریندا پانتورکیزم گوناهلاندیرماسینی ”آنلاشیلماز شکیلده یازیلمیش” بیر ایتهام کیمی قییمتلندیریر.