ديالوق و پولميك

علي رضا اردبيللي: بؤلگه‌ده وضعيت ايران آذربايجانينين تهلوکه‌سيزليگينه هده يارادا بيلر

Elirza Erdebilliياخين شرقده ايسلام دؤولتي قروپونون گوجلنمه‌سي بؤلگه اؤلکه‌لرينين ميللي تهلوکه‌سيزليگي اوچون باشليجا هده‌لردن بيري حساب ائديلير. ايسوئچده ياشايان گونئيلي فعال علي رضا اردبيللي آمئريکانين سسينين "آمئريکا ايجمالي" پروقراميندا ایسکايپ موصاحيبه‌سي زاماني بؤلگه ده باش وئرن حاديثه لرين ايراندا عکس-صداسي و بو گونکو دورومون ايران آذربايجانينا تاثيرلريني موذاکيره ائديب.



علي رضا اردبيللي ياخين شرقده باش وئرن حاديثه لرين بؤلگه‌ده تهلوکه‌سيزليکله باغلي يئني بير شراييطين يارانماسينا گتيريب چيخارديغيني دئييب. اونون سؤزلرينه گؤره، حاضيرکي دوروم بؤلگه‌ده اؤز دؤولتلري اولمايان کيچيک خالقلارين وارليغينين تهلوکه آلتينا آلينماسينا سبب اولور. "بؤلگه‌ده اولان کيچيک ميلتلر، حاکيميتي و اؤز دؤولتي اولمايان ميلتلرين وارليغيني هده له‌ين قوووه‌لرين ايشه دوشمه‌سي بيزه بير خبردارليقدير. بيزيم گونئيده دؤولتچيليگيميزين اولماماسي سببيندن گوونليک مسله سينده باشقا بير دؤولتين حربي ایستروکتورونا باغليييق. او حربي ایستروکتور هانسيسا بير بؤحران نتيجه‌سينده ايشدن دوشسه بيز قارا قوووه‌لرين تجاووزونه معروض قالا بيلريک. بونا نومونه اولاراق عيراقدا تورکمنلري گؤستره بيلريک"-دئيه علي رضا اردبيللي بيلديريب.

علي رضا اردبيللي گونئيلي فعاللارين ديل و مدني حوقوقلاري اوغروندا دينج موباريزه‌سيني بؤلگه‌ده آرتان زوراکيليقلار فونوندا داوام ائتديرمه‌سي مسله سيني ده شرح ائديب. "بيز بير طرفدن حربي-سياسي ایستروکتورا قارشي اؤز سيويل موباريزه‌ميزي آپاريريق و ميلتيميز اؤز حاقلاريني طلب ائدير، بير طرفدنسه، همين ایستروکتور بيزيم گوونليگيميزين يئگانه قارانتيدير. اونا گؤره ده بير زامان بو باغ قيريلسا و همين ایستروکتورلار بيزي مودافيعه ائده بيلمه‌سه او بوشلوق وضعيتينده بيزيم تهلوکه‌سيزليگيميزه هده يارانا بيلر"-دئيه او بيلديريب.

علي رضا اردبيللي آذربايجان رئسپوبليکاسي و تورکيه‌ده ايران آذربايجانينا داير سياسته احتيياج اولماسيني قئيد ائديب. "گونئي آذربايجانلا باغلي بير دوکترينا اولماليدير کي، بيز اونونلا تانيش اولاق، يئري گلسه اونو مودافيعه ائدک، يئري گلسه ايسه چاتيشمايان جهتلري تنقيد ائدک. بو بؤيوک چاتيشمازليقدير"-دئيه او بيلديريب.

 

موصاحیبه نین ویدئوسونو آشاغیداکی لینکدن ایزله یه بیلرسینیز

علی رضا اردبیللی نین آمئریکانین سسی ایله موصاحیبه سی