سايير حركتلر

ایش همان ایشدیر مال همان .../ اسماعیل جمیلی

 

اMollaیش همان ایشدیر مال همان یاش قورو فرقی وار بیر آز

 

کؤکدن اولان ایری بوروق  سانما اولار  باشدا طراز

 

 

 

 

جوری جفا و تزویرین آمیری اؤز ایشینده دیر

 

کسمه سی، بیچمه سینده دیر آسماسینین پئشینده دیر

 

جیردیغی جایناغیندادیر  جیرمادیغی دیشینده دیر

 

وار بولا سول ظولمی فساد دیلله ننه قامچی قاپاز

 

ایش همان ایشدیر مال همان یاش قورو فرقی وار بیر آز

 

 

 

 

سؤز گئییمین چؤووتدوروب ییر تیغی گیرمه یه گؤزه

 

اسگی یالانلاری سئریر جیندا جیریقلارین بوزه

 

هی یاماییر وعده لرین تازه فيریلداقلا  سؤزه

 

قویسادا زولفعلی آدین  بیج باشی دیر بیر باشا داز

 

ایش همان ایشدیر مال همان یاش قورو فرقی وار بیر آز

 

 

 

کیم گئدیشاته یوخ دئیه وارلیغی اوولانمادادیر

 

حبسده، حصریده اسیر عومرو گونو یانمادادیر

 

انسانین انسان حقلرین اصل نیظام دانمادادیر

 

بیر تیانین بویاسیدیر ساغی سولوندان یاراماز

 

ایش همان ایشدیر مال همان یاش قورو فرقی وار بیر آز

 

 

 

 

 

حالواسی چوخدان چالینان مویدالارین ییغواسیدیر

 

جهلی موره ککبین تویو، عقلی سلیمین  یاسیدیر

 

جومعه چی خوطبه کارلاری  شیطانین اؤز بالاسیدیر

 

تولکو بیر آز تویوخلانیب قیلسادا غمزه عیشوه ناز

 

ایش همان ایشدیر مال همان یاش قورو فرقی وار بیر آز

 

 

 

آیدینیمیز آلیشماسا   یاتمیشیمیز آییلماسا

 

گؤزلر اولان گؤزلریمیز یئیخالانیب دورولماسا

 

ائل اؤزونه یییه چیخیب اؤزلؤیونه ساریلماسا

 

دوستاق ائلیم یاساق دیلیم دردینه درمان بولاماز

 

اویما گولوم وعده لره  قارقاری بول بول اولاماز

 

ایش همان ایشدیر مال همان یاش قورو فرقی وار بیر آز