بيانيه لر

بیرلیک،ین 21 آزر حاقیندا بیاناتی

 

seyid-cefer-pisevi21 آزر 1324ین سونوجو گونئی آزربایجان دا معاصیر و میللی بیر دئولت قورولوشو ایدی

 

 

اؤنوموزه گه لن گونلرده 21 آزر 1324 قارشیلاییریق. میللتیمیزین یئنی تاریخینده 21 آزر اؤزلویونده بیر قیزیل صحیفه یه چئوریلمیشدیر. 21 آزر تاریخین یالنیز بیر گونو یوخ، بلکه خالقیمیزین سیاسی بیر زیروه سینده اولان گوندور. بو گون گونئی آزربایجان دا چاغداش دئولتین قورلماسی گونودور. 21 آزر میللتیمیزله ایران ین  سؤمورگه چی دئولتی نین آراسیندا بیر قازیلمیش ده رین خندق دیر.

 

باخمییاراق کی 21 آزر گونئی آزربایجان ین تاریخینده بیر طرفدن سئوینج و بیر آیری طرفدن کدرینه نه ده ن اولموشدور،  آمما اونودمامالییق کی 21 آزر 1324 آزربایجان ین چاغداش دئولتی نین قورولماق تاریخی و او تاریخین ان پارلاق گونو سایلیر. 21 آزر  هم ده تورک میللتی ایله سؤمورگه چی دئولت آراسیندا اوجالان موجادیله دالقالارینین گونودور.

 

 

21 آزری گونئی آزربایجان ین معاصیر تاریخی نین میللی دئولتی نین قورولماسی ایله برابر گؤرمک لازیمدیر. تاسفلر اولسون کی بللی اولان نه ده لرده ن دولایی آزربایجان نین میللی دئولتی حیاتینا  دوام ائتمه شانسی نی تاپمادی. بو دئولت بیر ایلده اینانیلماز سویه ده و فرقلی آلان لاردا گونئی آزربایجانین گلیشمه سینه نه ده ن اولمشدور. دئموکراتیک بیر سئچیمی گرچکلشدیرمک، قادین لارا ایران سویه سینده بیرینجی دفعه اولاراق سئچمه و سئچیلمه حاقینی رسمیته تانیماق، تبریز یونیورسیته سین و تبریز رادیو سون برپا ائتمک. اجتماعی اصلاحاتی گرچکلش دیرمک و ایش و امک اینسانلارینا حقوق قازاندیرماق و اکین چیلری دیققت مرکزینه آلماقلا اکین ساحه سینده جیددی ایره لیله مه یه نه دن اولموشدور.

 

21 آزر 1234 آزربایجان تاریخینده ایلک دفعه اولاراق، سید جعفر پیشه وری باشچیلیغیندا، تورک دیلینی آزربایجان دئولتی نین رسمی دیلینه چئویرمیش و اوشاقلار مکتب لرده و تبریز یونیورسیته ده بیرینجی دفعه اؤز آنا دیللرینه تحصیل آلماغا باشلامیشدیرلار.

 

21 آزر یالنیز میللتیمیزین معاصیر تاریخینده دئولت چیلیک سیمبولو اولماق یوخ، بلکه او دئولتین چاغداش اولماسی و معاصیر دونیا سویه سینده چالیشماسی دوست و حتی دوشمن لره دستان اولموشدور.

 

بیرلیک، 21 آزر، تاریخیمیزین ان اؤنملی گونون، هر زامان کی کیمی قوتلارییر. بو گونو عزیز توتور و او گونون چاغداش هئقومونیاسی میرجعفر پیشه ورنین چالیشمالارین خاطیرلاماقلا  گونئی آزربایجان آ دئولت قازاندیرمانی خالقیمیز اوچون ان اؤنملی و ان اؤلوملو بیر آلتدیم کی آلقیشلاییر.

 

گونئی آزربایجان میللی دئمکراتیک حرکاتی – بیرلیک

20151209